Марий Элыште илыше-влак эн сай видео- да фотоконтентын #РоссияГолосует всероссийский конкурсышко ушнен кертыт
Ушнашлан фотом але кӱчык видеом (45 секунд марте) соцсетьласе личный лаштыклаште #РоссияГолосует хештег дене савыктыман.
Эн кумдан палыме паша-шамычын авторышт ончышо-влакын призыштым да РФ ЦИК председатель Элла Памфилова дене конкурсым иктешлыме торжественный церемонийыш ӱжмашым налыт.
…
Тӱнямбал фестивальыште
11-17 сентябрьыште Екатеринбург олаште молодёжьын тӱнямбал фестивальже эртен.
Тушко Азий, Африка, Йӱдвел да Кечывалвел Америка, лишыл Эрвел, Европа гыч чолга ӱдыр-рвезе-влак ушненыт. Марий Эл гыч тушто 27 еҥан делегаций лийын.
Делегацийыш чолга студентым, «Движение Первых» толкынын еҥыштым, Марий кундемыш йотэлла гыч тунемаш толшо ӱдыррвезым, пашазе молодёжьым чумырымо. …
🖇 Российысе Мер палате Марий Элыште йӱклымаш кузе эртыме нерген докладым налын.
Российысе Мер палатын еҥже Роман Золотухин сайлымашым эскерыме шотышто федеральный ситуационный рӱдерын пашажым трансляцийыш вияш пуртымашым эртарен.
Марий Элыште Мер эскерымаш штабым вуйлатышын алмаштышыже республикыште, тидын шотыштак петырыме учрежденийлаште, йӱклымашым кузе организоватлыме нерген каласкален.
Марий Элым Вуйлатыше Юрий Зайцев йӱклымашке ушнен.
Тудо Йошкар-Олаште Мер-политик рӱдерыште шке йӱкшым пуэн.
Йӱклымаш деч вара Ю.Зайцев участке гыч лекмаште сайлыше-влакым йодыштмашке ушнен да шке ойжым ойлен. Участкыште шинчыше эскерыше-влак дене мутланен.
Йӱклымаш 18-20 сентябрьыште эртаралтеш. Марий Элыште илыше-влак РФ Кугыжаныш Думыш депутат ден муниципал кӱкшытан депутат-влакым ойырат.
📸…
САЙЛЫМАШ-2026🇷🇺
Йошкар-ОлаштеСайлымашым эскерыше мер рӱдер шке пашажым тӱҥалын.
Тудо «Йошкар-Ола» Ий полатыште сайлымаш пытымешке, йӱклышӧ-влакын йӱкыштым шотлымешке, йӱдшӧ-кечыже пашам ышташ тӱҥалеш.
241 сайлыме пӧлем гыч видеотрансляцийым
ЦОН-ын наблюдательже-влак гына огыл, кумылан моло еҥат эскерен кертеш. Моло участкыште видеофиксаций лиеш.
Марий Эл Республикысе Мер эскерыше палатын предс…
Слёт 30-шо гана эртен
11 гыч 13 сентябрьыште «Лесная сказка» туристический комплексыште Школ лесичестве-влакын регион-влак кокласе слётышт лийын.
Тений школ лесничестве слётым 30-шо гана эртарыме. Тушко 29 команде (чылаже 87 йоча) толын, тыгак школ лесничествым вуйлатыше да чодыра отрасльысе наставник-влак лийыныт. Кумшо гана слёт регион-влак кокласе статусан эртаралтын. Ты гана тышке Татарстан …
Йодышда уло? Толза!
Марий Эл Республикын Мер приёмныйыштыжо (Мер-политике рӱдер, Йошкар-Ола, Гагарин проспект, 8-ше №-ан пӧрт, 122-шо кабинет) приёмым эртарат (14 гыч 16 шагат марте):
🔹22 сентябрьыште Марий Эл Республикын Кугыжаныш жилищный надзор департаментшым вуйлатыше Эльвира Ивановна Гамерова.
🔹23 сентябрьыште Марий Эл Республикын транспорт да корно озанлык министржын алмаштышыже Александр …
Шкетан лӱмеш театр – Набережный Челнаште 🎭
17-19 сентябрьыште М.Шкетан лӱмеш Марий национальный театр Набережный Челна оласе калыкым куандара.
Тыште «Большие гастроли» федеральный программе почеш кум кече ныл тӱрлӧ спектакльым ончыктат. Чылаштым Аяз Гилязов лӱмеш Татар драме театрыште вучат.
Гастроль 17 сентябрьыште «Записки юного врача» (М. Булгаковын произведенийже почеш) спектакль дене почыл…
🪴 Курыкмарий округ Микрӓк селасе школышто йочасадыш коштшо ӱдыр-рвезе-влаклан агролабораторийым почаш ямдылалтыт.
Тидлан 60 квадрат метр кумдыкым ойырымо. Тушто йоча-шамыч тӱрлӧ росотам кушташ, опытым шындаш да кушкыл-влакым эскераш тӱҥалыт. Агролабораторийым «Кадры в АПК» федеральный инициативе почеш илышыш шыҥдарат.
Тыгак Кугыжаныш Погынын депутатше Сергей Ильинын вуйлатыме компанийже лаборато…
