КҮчҮтен МӨге Аяс Монгуш болгаш тыва мӨгелер

Шупту тыва могелер дугайында Экии, мендээ төрел чонум! Эргим чолдуг төрээннерим! Чолукшур дээш келгениңер, Чогумчалыг, өөрүнчүг – дүр. Сол – менди бе? Чиик – чаагай? Чорууңар – ла чогуп чорзун! Ыт – куш – даа, дымаа – халаа Ырак оюп эртип чорзун! Өдээңерге өөрүшкү Өргүн байлак аалдап чорзун! Баглаажыңар баглап четпес Баскылажыр малдыг чоргар! Өөредилге – суртаалдарже Өндүр чүткүл читпес болзун! Күзээниңер эртемнерни Хүннүң – даңның чедип чоргар! Ынакшааннар ырлап чорзун! Ынай чаштар хүлүмзүрзүн! Аалыңардан ырак чорааш, Адыңарны камнап чоргар! Тывам төлү - чурттажым сен! Дуңмам, чээним, акым, угбам Дылывыс - даа, аалывыс - даа Дың - на чаңгыс улус - тур бис! Чуртувуска ынак болуул! Чуттан, боктан арыг чорзун! Чонувустуң сүзүк - соруу Чогумчалыг, бедик чорзун! Бергелерге торулбайн, Бедиктерже чүткүп чоруул! Авыралдыг аржааннар дег, Арыг сеткил сеткип чоруул! Ааржы дег аккыр өглер, Ажыктарга долуп чорзун! Чеди чүзүн малдарывыс, Черивисти каастап чорзун! Аалчылар “тыва өгже”, Аралажып кээп чорзун! Эргин артап кирип ора, Эки сөстен сөглеп чоргар!