kyym.ru

Хаҥаласка Михаил Николаев кэриэһигэр саахымат олимпиадата түмүктэннэ Балаҕан ыйын 20-с күнүгэр Хаҥалас улууһугар СӨ Билим дьоҕус академиятыгар Саха Өрөспүүбүлүкэтин Бастакы Бэрэсидьиэнэ Михаил Ефимович Николаев кэриэһигэр ыытыллыбыт ХХI саахымат олимпиадатын түмүктэннэ. АЛРОСА уонна Үүнэр көлүөнэ тус сыаллаах пуондатын өйөбүлүнэн тэриллибит турнирга 10 хамаандаттан 47 эдэр саахыматчыт кииристэ.

Айфоннарга саха клавиатурата баар буолла Балаҕан ыйын 14 күнүгэр айфоннарга  "IOS 27" саҥардыллыбыт барыйаана тахсыбыта. Манна Оҥоһуу өй уонна дизайн уларыйыыларын таһынан, саҥа операционнай системаҕа саха клавиатура баар буолла. Урут сахалыы клавиатураны туспа сыһыарыы көмөтүнэн туруоруохха сөп этэ.

Саха циркэтин артыыстара Душанбе бэстибээлигэр кыһыл көмүс мэтээли ыллылар Саха судаарыстыбаннай циркэтин гимнасткалара Анна Максимова уонна Пелагея Кычытарова “Мир цирка объединяет сердца” диэн бастакы норуоттар икки ардыларынааҕы циркэ бэстибээлигэр кыһыл көмүс мэтээли ылары ситистилэр.

Саха сиригэр ырыаһыт Kit jah туһунан биографическай киинэ усталлар Нам улууһугар биллэр-көстөр ырыаһыт Kit jah олоҕун туһунан биографическай киинэ уста сылдьаллар диэн “Сахафильм” пресс-сулууспата иһитиннэрэр.

Дьокуускайга иккиһин “Олоҥхо” марафона ыытыллыаҕа Балаҕан ыйын 26 күнүгэр Дьокуускайга иккиһин “Олоҥхо” марафона ыытыллыаҕа. Быйылгы маассабай сүүрүүгэ 1000-тан тахса киһи кыттыыны ылара былааннанар. Бу туһунан СИА суруйар.

Степан Бурнашев “Пентхаус” триллера норуоттар икки ардыларынааҕы “Саспенс” бэстибээлгэ бастыҥынан ааттанна Степан Бурнашев уйулҕаны хамсатар “Пентхаус” диэн триллера Тюмень куоракка ыытыллыбыт “Саспенс” норуоттар икки ардыларынааҕы толору метражтаах киинэ хайысхатыгар “Бастыҥ триллер” наҕарааданы ылла.

Учуутал күнүнэн “бэлэх” Төлөпүөн сүүлүктэрэ Учуутал күнүгэр эмиэ бэлэмнэнэллэр.

"Саха тыла уһуйаан эйгэтигэр": Төҥүлү дьыссаатыгар билим үлэһиттэрэ кыттыылаах куурус буолла Быйыл дойдуга Оскуола иннинээҕи үөрэхтээһин сылыгар анаан өрөспүүбүлүкэҕэ араас тэрээһиннэр ыытыллаллар. Мэҥэ Хаҥалас улууһугар оскуола иннинээҕи үөрэхтээһин тэриллибитэ 100 сыла бэлиэтэнэр. Бу күннэргэ иитээччи уонна оскуола иннинээҕи үөрэх тэрилтэлэрин үлэһиттэрин күнүгэр анаммыт дьаһаллар киэҥ далааһын…

Үүт былаана 87,6% туолла Тыа хаһаайыстыбатын министиэристибэтин оперативнай дааннайдарынан, балаҕан ыйын 23 күнүнээҕи туругунан, өрөспүүбүлүкэҕэ 48 тыһ. 328,19 туонна үүт ыанан бэлэмнэниллибит, ол эбэтэр сыллааҕы былаан 87,6% туолбут. Былырыын баччаларга 49 321,75 туонна бэлэмнэниллибитэ.

Тыатааҕы мэнээктиир Быйыл  Арассыыйаҕа 20-тэн тахса киһи тыатааҕыттан өллө. Ордук Сибиир уонна Уһук Илин эрэгийиэннэригэр – 18 сиэртибэ. Бу туһунан Арассыыйа Силиэстийэлиир кэмитиэтэ балаҕан ыйын 23 күнүгэр РИА-Новости ааҕыныстыбаҕа иһитиннэрбит.